Posted in Երաժշտություն

Հայաստանը երկրորդ երկիրն է, որտեղ անցկացվում է փողային գործիքների միջազգային փառատոն:

Հայաստանը երկրորդ երկիրն է, որտեղ անցկացվում է փողային գործիքների միջազգային փառատոն: Posted on June 3, 2018

Կոմիտասի թանգարան-ինստիտուտում հունիսի 12-ին կմեկնարկի Ալեքսանդր Հարությունյանի անվան փողային գործիքների 2-րդ միջազգային փառատոնը: Համերգներ են նախատեսվում Երևանի մի շարք համերգասրահներում, ինչպես նաև Բյուրականի արվեստի ակադեմիայում: Փառատոնի շրջանակում հնչում են հայ և արտասահմանյան կոմպոզիտորների գործեր: Լինում են նաև համաշխարհային պրեմիերաներ:

Այս տարի փառատոնը հյուրընկալելու է քսան երաժիշտ կատարողների յոթ երկրից:
Մեզ հետ զրույցում փառատոնի տնօրեն և պրոդյուսեր ՇՄԱՎՈՆ ԳՐԻԳՈՐՅԱՆԸ նշեց, որ երաժշտական այս նախագիծը նպատակ ունի Հայաստանում զարգացնելու փողային գործիքների դպրոցը, նաև հնարավորություն ընձեռելու երաժիշտներին միմյանց հետ շփվելու, գաղափարներ և փորձ փոխանակելու:
Փառատոնը կրում է Ալեքսանդր Հարությունյանի անունը, որի շեփորի կոնցերտը համաշխարհային հռչակ ունի, 20-րդ դասի կեսից ընդգրկված է աշխարհի երաժշտական հաստատությունների ուսումնական ծրագրերում: Շմավոն Գրիգորյանի տեղեկացմամբ` Ա. Հարությունյանի ստեղծագործությունների (այդ թվում` երբևէ չհնչած) կատարման առաջարկությունը ներկայացնում է կոմպոզիտորի դուստրը` Նարինե Կուտչուկյանը: «Ալեքսանդր Հարությունյանն ունի փողային գրեթե բոլոր գործիքների (շեփոր, վալթոռն, հոբոյ, ֆլեյտա, տրոմբոն, տուբա) համար գրված կոնցերտներ, անսամբլային ստեղծագործություններ: Հույս ունենք` փառատոնի շնորհիվ դրանք բոլորը կներկայացվեն թե՛ Հայաստանում, թե՛ արտերկրում»,- ընդգծեց մեր զրուցակիցը:

Փառատոնի գեղարվեստական ղեկավարը Կարեն Դուրգարյանն է, Հայաստանի պետական կամերային նվագախմբի գեղարվեստական ղեկավարը` Վահան Մարտիրոսյանը:
Հայաստանը երկրորդ երկիրն է, որտեղ անցկացվում է փողային գործիքների միջազգային փառատոն:

Հեղինակ՝ Արմինե Սարգսյան

Նյութը՝ irates.am